Brutta sgobbata, faccitosta e trista,
di mia volivi chjamata donna onesta. Jeu u sacciu cu ti tocca e cu ti tasta, e cui subba di tia faci a festa! Turigghju profumatu di stu cori,
ti vogghjiu tantu beni e non nci cridi. E pregu tutti i santi di l'artaru, parola mia d'onuri non tornu cchiu'. Si no ndi vidimu aguri e bon viaggiu, mangiamu e mbivimu c'a vita è nu passaggiu. Vinni mu cantu ca nci fu mandatu
di n'amicu di cori agguali a mmia iju non potti veniri ca è malatu, seppi ca sugni fidili e mandau a mia! Mi dissi mu ti cantu appassiunatu come nci cantu a Nunziateia mia! Non ti cridiri ca daveru è malatu ca è c'avanti chi canta cu mmia! Vitti a fortuna mia a menzu mari,
e jeu nci dissi: fortuna chi hai? Chi hai fortuna chi ciangi pe mmia? Affaccia o bella, mu ti viju:
mi sazziu stu cori e mindi vaju! Bruttu lu survu
e brutta la survara, tu si cchiu' brutta di la malanova. Va stricati a nu culu di coddara, e pe sett'anni non nesciri fora. O facci di na buffa untata d'ogghiu
tu vai dicendu ca jeu moru pe ttia vattindi a mari e stricati a nu scogghiu fattilla na lavata di lissia e poi mi mandi a diri si ti vogghiu? Vogghiu na malapasca mu ti pigghia. Facci di nu carduni amariusu
chi sempi subba o stomacu mi vai... vattindi nta nu cantu e statti chiusu sempi lordu sì e nettu mai! Feti comu l'ogghiu di limusa feti la ruga e la casa chi stai! |
O rosa chi nescisti a la rosara,
eri buttuni e jeu ti pretendìa. Mo chi tu cuminciasti a spompinari, fai l'amuri cu n'atru e no cu mmia. O rosa russa culurata e bella
jeu fu lu primu amuri chi t'amai t'amai quandu eri piccula e zunzella quandu bella di tia mi nnamurai; e mo' criscisti e ti facisti bella e mu ti guardu no mi sazziu mai. Cantu e non aju lena di cantari
perdivi lu sigillu di lu cori! U perdivi e no potti cchjiù trovari no sacciu quali amanti si lu godi! Jeu cangiu ca ti viju lacrimari;
lacrimari ti viju e no borria! Apposta passu di c'avanti ogn'ura ca t'aiu nta lu cori e nta la menti: teni a pedata mia, teninci cura ca li palori toi li tegnu a menti! Bruttu lu survu
e brutta la survara, tu si cchiu' brutta di la malanova. Va stricati a nu culu di coddara, e pe sett'anni non nesciri fora. Bruttu, bruttazzu si fattu di terra
nci mbischi milli morbi a cu ti parra! O bruttu lignu stortu di ficara ci ndi mentisti difetti a la bandera! Donna dimmi chi hai, dimmi chi boi?
Cu stu parrari a botti chi mi fai. Vaju a parrari all'atri e tu non boi vaju a parrari a ttia e tindi vai |